logo
   
img
23 - 06 - 2017
   
   
   
   
   
   
   
სწრაფი ძებნა
  დან მდე
ფართობი:
ფასი:
სართული:

აუცილებელია ფოტო:

ID#

კალკულატორი

ვალუტა

საკუთრება


მიწის ნაკვეთის დაკანონება ხორციელდება “ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების შესახებ” საქართველოს კანონის შესაბამისად. აღნიშნული სამართლებრივი აქტით საკუთრების უფლება შეიძლება აღიარებულ იქნას ფიზიკური პირის მიერ თვითნებურად დაკავებულ მიწის ნაკვეთზე, რომელზედაც განთავსებულია საცხოვრებელი სახლი, აგრეთვე ფიზიკური პირის საკუთრებაში ან მართლზომიერ მფლობელობაში არსებული მიწის ნაკვეთის მომიჯნავე მიწის ნაკვეთზე, რომლის ფართობი ნაკლებია საკუთრებაში ან მართლზომიერ მფლობელობაში არსებული მიწის ნაკვთის ფართობზე. 

შენობა-ნაგებობების ლეგალიზაცია ხორციელდება “პროექტის შემთანხმებელი და მშენებლობის ნებართვის გამცემი ორგანოს მიერ უნებართვოდ ან/და პროექტის დარღვევით აშენებული ობიექტების ან მათი ნაწილების ლეგალიზების შესახებ გადაწყვეტილების მიღების წესის დამტკიცების თაობაზე” საქართველოს პრეზიდენტის 2007 წლის 24 ნოემბრის N660 ბრძანებულების შესაბამისად. ამ წესის თანახმად, ლეგალიზებას ექვემდებარება ის ობიექტები ან მათი ნაწილები, რომელთა მშენებლობა ბრძანებულების ძალაში შესვლის მომენტისთვის დასრულებულია. ლეგალიზება იმავდროულად ნიშნავს ობიექტის ან მისი ნაწილის ექსპლუატაციაში მიღებას.

ექსპლუატაციაში მიღება ხორციელდება “მშენებლობის ნებართვის გაცემის წესისა და სანებართვო პირობების შესახებ” საქართველოს მთავრობის 2005 წლის 11 აგვისტოს N140 დადგენილებით განსაზღვრული წესის შესაბამისად. ექსპლუტაციაში მიღება გულისხმობს შენობა-ნაგებობის ვარგისად აღიარებას. შენობა-ნაგებობის ვარგისად აღიარება ხდება იმ შემთხვევაში, თუ შენობა-ნაგებობა აკმაყოფილებს მშენებლობის ნებართვით განსაზღვრულ სანებართვო პირობებს. 

სახელმწიფო ქონების პრივატიზაცია ანუ ფიზიკური ან იურიდიული პირების ან მათი გაერთიანებების მიერ სახელმწიფო ან ადგილობრივი თვითმმართველი ერთეულის ქონებაზე საკუთრების უფლების შეძენა “სახელმწიფო ქონების და ადგილობრივი თვითმმართველი ერთეულის ქონების პრივატიზებისა და სარგებლობის უფლებით გადაცემის შესახებ” საქართველოს კანონის საფუძველზე. 

"უნი ჯგუფი" უზრუნველყოფს ზემოთ აღნიშნული სამართლებრივი აქტებით განსაზღვრული დოკუმენტაციის სრული პაკეტის მომზადებას და სახელმწიფო ან ადგილობრივი თვითმმართველობის შესაბამის ორგანოებსა და დაწესებულებებში თქვენი ინტერესების დაცვას.

სერვისები უფლებები რეალტორი არქიტექტურა სხვადასხვა
© 2012 Design by webdeveloper.ge ყველა უფლება დაცულია