პროექტის ფარგლებში განხორციელდა თადეოზ გურამიშვილის ისტორიული მარნის ადაპტაცია, რაც გულისხმობს მარნის მიმდებარე ტერიტორიაზე ღვინის მცირე საწარმოს, ღვინის საცავის, ღვინის მაღაზიისა და სატრაპეზოს განთავსებას. განაშენიანების საერთო ფართი 1500 კვ.მ-ია; ძველი და ახალი ნაგებობები ერთმანეთს ღია საკომუნიკაციო კორიდორით უკავშირდება. ანსამბლის კონცეფციაში გათვალისწინებულია ისტორიული მარნის მდებარეობა და ფუნქციური კავშირი თანამედროვე განაშენიანებასთან. ტერიტორიის მიმდებარედ გაშენებულია ეთნიკური სანახაობებისათვის განკუთვნილი ლანდშაფტური ეზო.
