არქიტექტურული პროექტი დამუშავდა სასტუმრო კომპლექსისა და ღვინის მცირე საწარმოს მოსაწყობად. წარმოდგენილი პროექტი ითვალისწინებს სამ დონეზე განთავსებულ, სხვადასხვა ფუნქციის მქონე ნაგებობას, 3500 კვ.მ. საერთო ფართობით. კერძოდ: სხვადასხვა კლასის სასტუმრო ნომრები, ღვინის საწარმო, დახურული და ღია სატრაპეზოები, ეთნოგრაფიული მუზეუმი, ბიბლიოთეკა, ღია ვერანდები და საცურაო აუზი. შენობის არქიტექტურულ სივრცით კომპოზიციური გადაწყვეტა და ფასადების მორთულობა გადაწყვეტილია ბიზანტიურ-მავრიტანულ სტილში, რომელსაც შინაარსობრივად ერწყმის კლასიკური ქართული არქიტექტურის ელემენტები.
