უძრავი ქონების განკარგვის (ყიდვა, გაყიდვა, გაქირავება, დაქირავება და ა.შ.) მიზნით, თქვენ შეგიძლიათ ჩვენი კომპანიის საიტზე განათავსოთ შესაბამისი განცხადება. ამისთვის აუცილებელია გაეცნოთ ჩვენი კომპანიის ძირითად პირობებს და მათი მოწონების შემთხვევაში, დაადასტუროთ თქვენი ვალდებულებების შესრულების მზაობა.

წინამდებარე წესებსა და პირობებში, ქონების მართვის კომპანია „უნი ჯგუფი“ მოხსენიებულია როგორც „რეალტორი“, ხოლო ავტორიზებული პირი მოხსენიებულია, როგორც „დამკვეთი“.

 „რეალტორის“  უფლება–ვალდებულებები:

·„დამკვეთს“ გაუწიოს კონსულტაციები უძრავი ქონების შესახებ, მასთან დაკავშირებული გარიგების იურიდიულად გაფორმებასა  და  საჯარო რეესტრში სარეგისტრაციო საკითხებთან დაკავშირებით;

·„დამკვეთის“ განაცხადით დაინტერესებულ პირებს (შემდგომში, „მესამე პირი“) მიაწოდოს სრულყოფილი ინფორმაცია „დამკვეთის“ პირობების შესახებ, აწარმოოს მათთან მოლაპარაკებები, რათა ხელი შეუწყოს „დამკვეთსა“ და  „მესამე პირს“  შორის შესაბამისი ხელშეკრულების (შემდგომში „ხელშეკრულება“)  გაფორმებას;

· უზრუნველყოს მოლაპარაკებების გამჭვირვალე პროცესი „დამკვეთსა“  და „მესამე პირს“ შორის, ხოლო შეთანხმების მიღწევის შემთხვევაში, მონაწილეობა მიიღოს „ხელშეკრულების“ იურიდიულად გაფორმების პროცესში;

·„დამკვეთის“ მოთხოვნის დაკმაყოფილების მიზნით, მიმართოს მხოლოდ კანონით ნებადართულ  საშუალებებს;

· იმოქმედოს  „დამკვეთის“ ინტერესების გათვალისწინებით;

„დამკვეთის“  უფლება–ვალდებულებები:

·„რეალტორს“ მიაწოდოს ზუსტი ინფორმაცია უძრავი ქონების პარამეტრებისა და მდგომარეობის შესახებ.

·„რეალტორის“ მიერ წარდგენილ „მესამე პირთან“ მოლაპარაკება  აწარმოოს მხოლოდ „რეალტორის“ მეშვეობით და „ხელშეკრულება“ დადებული იქნას მხოლოდ  „რეალტორის“ თანდასწრებით (აღნიშნული ვრცელდება როგორც „დამკვეთზე“, ასევე მასთან საქმიან ან/და პირველი რიგის ნათესაურ კავშირში მყოფ პირებზე).

·„რეალტორის“ მიერ წარდგენილ „მესამე პირთან“   „ხელშეკრულების“ გაფორმების შემთხვევაში, „დამკვეთი“ ვალდებულია „რეალტორს“ გადაუხადოს მომსახურების საფასური, რომელიც ბაზარზე დადგენილი საყოველთაო წესის მიხედვით განისაზღვრება:

ა) უძრავი ქონების დროებით სარგებლობაში გადაცემის (იჯარა, ქირავნობა და ა.შ.)   შემთხვევაში -  ერთი თვის საზღაურის ოდენობით;

ბ) უძრავ ქონებაზე საკუთრების უფლების გადასვლის (ყიდვა, გაყიდვა, გაცვლა და ა.შ.) შემთხვევაში -   გარიგების ღირებულების 3%-ის ოდენობით;

კითხვების არსებობის შემთხვევაში შეგიძლიათ მოგვწეროთ ელექტრონულ მისამართზე info@unig.ge ან დაგვირეკოთ ტელეფონზე 577 435373