შენობა-ნაგებობა შექმნილია ქართული ღვინისა და მეღვინეობის მრავალსაუკუნოვანი ტრადიციების პოპულარიზაციისათვის. ოთხ დონეზე გაშენებულ ნაგებობაში განთავსებულია სხვადასხვა ეპოქის ქართული რესტორანები, ეთნოგრაფიული კუთხეები, ღვინის მარანი და სადეგუსტაციო დარბაზები. პროექტს 2013 წელს მიღებული აქვს სპეციალური პრიზი: არქიტექტურული პრემია - საუკეთესოდ განათებული ობიექტი. შენობის ექსტერიერის ნაწილია ღია და დახურული ვერანდები, საიდანაც ულამაზესი ხედები იშლება სვეტიცხოველის, ჯვრის, მცხეთის დედათა მონასტრისა და სხვა ისტორიული ღირშესანიშნაობებისაკენ.
