თადეოზ გურამიშვილის ისტორიული მარნის რესტავრაციის კონცეფცია დაფუძნებულია თავად მარნის ფუნქციის აღდგენაზე და თანამედროვე ნაგებობების შინაარსობრივად შეთავსებაზე ისტორიულ მოცემულობებთან. მარანი წარმოადგენს სამუზეუმო დანიშნულების სივრცეს, ხოლო ახლადაშენებულ ნაგებობებში გათვალისწინებულია ქართულ ისტორიულ ელემენტებთან შერწყმული სატრაპეზო და ღვინის მაღაზია. ინტერიერის ღირშესანიშნაობას წარმოადგენს ქართული ფურნე, თავადური ოთახი, ბიბლიოთეკა და ეთნიკური აივანი. პროექტი 2016 წელს ნომინირებული იქნა არქიტექტურულ პრემიაზე - საუკეთესო საზოგადოებრივი ინტერიერი.
